Прыказкі пра розум 4

Свайго розуму не пазычыш і ў чужую галаву не ўкладзеш.
Разумны навучыць, а дурны намучыцца.
На наш век дурняў хопіць.
Што дурны папсуе, тое і разумны не паправіць.
Адной клёпкі ў галаве не хапае.
Каб задні розум ды наперад.
Грошы згубіў - нічога не згубіў, здароўе згубіў - палавіну згубіў, розум згубіў - усё згубіў.
Які розум, такая і гаворка.
Разумны вініць заўсёды сябе, а дурны - свайго таварыша.