Гульня "Прыказкі пра вайну"

Савецкія прыказкі пра калгас 4

Хочаш па-людску жыць, трэба з калгасам дружыць.
У добрага трактарыста любы трактар добры.
Каб голаду не знаць, трэба трактарам араць.
Даўней балоты нам марнавалі, цяпер з балота хлеб дасталі.
Не горбім спіны - працуюць машыны.
Калгас без уліку што хата без дзвярэй.
За лень не запішуць працадзень.

Савецкія прыказкі пра калгас 3

Адзін жыў - у лапцях хадзіў, у калгас прыйшоў - боты знайшоў.
Колас да коласа - Радзіме сноп.
Сялянская воля на калгасным полі.
Няма канца-краю калгаснаму ўраджаю.
У калгасе - брыгадзір, у арміі - камандзір.
Добра працуеш - калгас мацуеш.
У калгасе жыць - шчаслівым быць.

Прыказкі пра працу 4

Лепш заробленае, чым пазычанае.
Не той наперадзе, хто абагнаў, а той наперадзе, хто за сабой цягне.
У добрага трактарыста і трактар спявае.
Не работа сушыць, а турбота.
Работа не забота, забота - калі няма работы.
Працы і світкі не саромейся.
Праца здароўя не адбірае.
Дармовага на свеце нічога няма.

Прыказкі пра Вялікую Айчынную вайну 2

Зямля сялянская, лясы партызанскія, шаша нямецкая, а ўлада савецкая.
І холадна, і голадна, і дадому далёка (пра немцаў-акупантаў).
Ідучы па кладачцы, на бакі не глядзі, а з паліцыяй сяброўства не вадзі.
Ішоў кустамі Карл па кашу - і дух спусціў ад кулі нашай.
Ішоў да нас ваякам, а ад нас поўз ракам.
Калі "кацюшы" песні зальюцца - шматкі ад фашыстаў застануцца.
Кожнай фашысцкай гадзіне вісець на перакладзіне.
Кожнаму воўку ў горла па асколку.
Кожны куст для фашыста рызыка: трасе іх трасца, кідае ў дрыжыкі.

Прыказкі пра Вялікую Айчынную вайну

Ад Быхава да Прапойска стаяла грознае войска.
Ад нашага "ўра" дрыжэла немчура.
Бургамістр ды кат - адзін другому брат.
Вецер холадам вее, у фашыста сэрца млее.
Гітлер Берлін прасвістаў, а Масквы не дастаў.
Гітлеру дух вон і кішкі на тэлефон.
Гітлер хваліцца, а фрыцы валяцца.
Дасі фашысту ў рабро - зробіш сабе дабро.
Дзень пражыць  - фашыста ўлажыць.

Савецкія прыказкі пра калгас 2

Хваляць - заткні вушы, крытыкуюць - слухай.
Вучы народ, вучыся і ў народа.
Цяпер без навукі і каровы не дояць.
Граматнаму быць - па-новаму жыць.
Не тое багацце, што цесць з цешчаю давалі, а тое, што маладыя самі нажывалі.
У даяркі малако ў руцэ, а ў каровы на языку.
Гультаю ўдарнік не напарнік.

Савецкія прыказкі пра калгас

Трактар у полі - хлеба ўволю.
Пасееш машынаю - хлеба збярэш асьмінаю.
Не той зямлі гаспадар, хто па ёй ходзіць, а той, хто па ёй трактар водзіць.
Калі хочаш, каб быў ураджай, агратэхніку павышай.
Вясна красна кветкамі, а калгас - палеткамі.
Той брыгадзір прыгож, у каго ўраджай харош.
Які брыгадзір, такая і брыгада.
Не хваліся, план складаючы, пахваліся, год канчаючы.