Гульня "Прыказкі пра багацце і беднасць"

Грошы 3

Усіх грошай на свеце не забярэш.
Сцеражы бацькаву капейку, то і свае здабудзеш.
Капейка рубель беражэ.
Грошы лік любяць.
Угавор даражэй за грошы.
Ці бедны, ці багаты, абы нікому не вінаваты.
Старасць не радасць, доўг не карысць.
Пазыка не плача, не раве, а спаць не дае.
Доўг не грэе.
Лепей галоднаму пераспаць, чым з даўгом прачнуцца.

Грошы 2

Дар за дар, а дарам ніц.
Дар за дар, а гонар за гонар.
Грошы камень б'юць.
Купіў не купіў, а пагандляваць можна.
З грашыма  - клопат, але без іх - яшчэ горш.
Розуму грашыма не заменіш.
Грошы не пахнуць.
Грошы - нажыўная справа.
Лёгка грош пражыць, а як-то яго нажыць.

Грошы

Якія грошы, такі і тавар.
Дарагое паносіцца ўдвое.
Што дорага, то міла, а што танна, то гніла.
Што патрэбна, то і каштоўна.
Прамяняў быка на індыка.
Змяняў шыла на мыла.
Хто часта коні мяняе, у таго хамут гуляе.
За што купіў, за тое і прадаў.
За морам цялушка палушка, ды рубель перавоз.

Кірмаш

Які купец, такі тавар.
Сёння, паночкі, не ваш кірмаш.
Добры тавар сам сябе хваліць.
Кожны купец свой тавар хваліць.
Якой меркай мераеш, такой і табе будзе адмерана.
Ката ў мяшку не купляюць.
Сем разоў адмерай, а адзін адрэж.

Прыказкі пра сялян і паноў 2

Круль крулюе, пан пануе, а мужык гаруе.
Што мужык, а што пан.
Пан панам, а мужык мужыком на векі вяком.
На чорнага мужыка прэ злыдняў талака.
На то й мужык, каб працаваў.
Паноў радасць збірае, а мужыкоў - гора.

Прыказкі пра сялян і паноў

Не будзе аратага, не будзе і багатага.
У мужыка свая праўда.
Сялянскаму роду няма пераводу.
Не так будзе, як пан кажа, а так будзе, як мужык зробіць.
Без хама не было б пана.
Мужыка ніжэй не разжалеш.
Мужык думкамі багат.
На панскі розум ёсць мужыка хітрасць.
Мужык і чорта перахітрыць.
Благая зямелька лепей добрага паненька.

Прыказкі пра грошы

Іншая пазыка - тая ж страта.
Хочаш ворага нажыць - пазыч грошай.
У пятніцу нічога нікому не пазычай.
Калі маеш грошы, то не будзеш хадзіць босы.
Хай грошай ні гроша, абы слава хароша.
Без гаспадара і грошай не трэба.
Хоць лай, а потым грошы аддай.
Грошы лёгка бяруцца, ды цяжка аддаюцца.

Прыказкі і прымаўкі Жыткаўшчыны

Дужы і багаты рэдка вінаваты.
Каму жыццё, а беднаму селяніну выццё.
Сялянскія прыборы - лапці ды аборы.
Гаспадыня, твая рэч - глядзець у печ.
Курыца не птушка, нявеста не дачушка.
Дзяцей як бобу, а хлеба ні дробу.
Бяда без дзяцей, але ж бяда і з дзецьмі.
Прымацкі хлеб сабацкі.

Прыказкі пра гаспадарку 4

Статак робіць дастатак.
Разбурыў хлявец - поўны двор дравец.
Не куды ішла, не куды ідзець, а ўсё ў клець.
Уперад збудуй клетку, тады шукай птушкі.
Быў бы сад, а салаўі прыляцяць.
З аднае курыцы гаспадарку не завядзеш.
Даў Бог цяля, ды няма хлява.

Прыказкі пра гаспадарку 3

Запас бяды не чыніць.
Хто ў лесе не ўкраў, той дома не гаспадар.
У кожнай крышы ёсць свае мышы.
І ў студзі вада выбіраецца.
Без запасу - ні часу.
Не гаспадыня, што апоўдні ў печы паліць.
Шырокія вароты ўвайсці, ды вузкія выйсці.
Ад дошкі да дошкі, а ў сярэдзіне ні крошкі.

Прыказкі пра гаспадарку 2

Якія сані, такія і самі.
Робім пра запас, дый будзе ў нас.
Калі ў хлебе плодзіць і на ніве родзіць, так і дурак хату водзіць.
У гаспадара і аборка спатрэбіцца.
Кожная рэч свайго далежыцца.
І мыш у сваю норку цягне корку.
Які воз, такі і гаспадар.

Прыказкі пра гаспадарку

Не так работы, як заботы.
Паглянем, што ў вас робіцца ў двары, - скажам, якія вы гаспадары.
У добрай гаспадыні і певень нясецца.
Калі нагамі сыпле густа, дык у хляве пуста.
Шырокі двор, ды невялікі збор.
Свой дварочак, як вяночак.

Прыказкі пра хлеб 6

Слова да слова, а хлеб да абеда.

Калі хлеба край, дык і пад елкай рай.

Лепш абысціся без мяса, як без хлеба.

Рукі на мазалях, а ў торбе засохлы акрайчык.

Век пражыла, хлеба з сокам не ела: хлеб ёсць - соку няма, сок ёсць - хлеба няма.

Адзін сноп ці сто коп - хлеба на год.

Каменні - хоць забіся, вады - хоць утапіся, дроў - хоць спаліся, хлеба дакупіўшы, можна жыць.

Прыказкі пра хлеб 5

Пірага шукаеш, а хлеба не цурайся.
Хто хлеб з сабою нясе, той есці не просіць.
Хлеб еш ды й другому не шкадуй.
Абы хлеб быў, а нахлебнікі будуць.
Хлеб не нявеста: які спячэцца, такі і з'есца.
Як не стала хлеба, дык і нож не трэба.

Прыказкі пра хлеб 3

Свой хлеб - і на калодзе абед.

Адзін хлеб не прыядаецца.
Галоднаму і луста смачная.
Не на тое я хлеб спёк, каб ён за парог уцёк.
Абы хлеба кусок - будзе жыць пастушок.
Галоднаму і луста смачная.
Хлеб гара не родзіць, але з хлеба не зводзіць.

Прыказкі пра хлеб 2

Хлеб і соль - найлепшая закраса.
Хоць чоран хлеб, ды свой.
ДЗе многа за сталом сядзіць, там не доўга хлебу быць.
Хто хлеба купіць, таму болец рупіць.
Ямо хлеб траякі: чорны, белы і ніякі.
Маліна то маліна, але каб хлеба скарына.
Без солі не смачна, без хлеба не сытна.

Прыказкі пра хлеб

Не той багаты, хто мае срэбра і злата, а той, хто хлеб мае.
Хлеб і вада - няма галада.
Хлеб над усім пануе.
Найсмачнейшы хлеб ад сваёй працы.
Хлеб - усяму галава.
Калі ёсць хлеб і вада, то не бяда.
Лепш хлеб з вадою, як з бядою.

Суд, юрысты

Каму астрог, а каму пірог.
Свой суд кароткі.
Самасуд - не суд.
Пан і тады праў, як чорт сведак маў.
Калі карман сух, тады і суд глух.
На базары дом не купіш, а ў судзе праўды не знойдзеш.
Добра з тым судзіцца, хто Бога баіцца.
З суда, як з пруда, - сухі не выйдзеш.
З моцным не біся, а з багатым не судзіся.
Калі на табе кажух ліхі, то суддзя глухі.
Юрысты на руку нячысты.
Воўк ваўка нідзе яшчэ не з'еў.

Галеча - багацце

Часам з квасам, а парою і з вадою.
Як ваду ні вары, усё вада будзе.
Калі не наеўся, то і не наліжашся.
Дома хоць не ўежна, затое ўлежна.
Багаты беднаму не таварыш.
Багаты балюе, а бедны гаруе.
Не весел каліка, што торба невяліка.