Гульня "Прыказкі пра гасціннасць"

Прыказкі пра гасціннасць 4

Будзем у гасцях то ў вас, то ў цябе.
Гасцей з усіх валасцей.
Госці пазваны і пасцелі пасланы.
Госцікі - за стол, а лішні - хоць пад стол.
Госць, не дзьміся - еш, што ў місе.
Госцю трэба дараваць, а гаспадару прамаўчаць.
Дзякую за хлеб, соль, за бульбу і кашу, дзякую і за дабрату вашу.
За гасцямі і нам добра.
З-за аднаго абеду сем міль еду.

Прыказкі пра гасціннасць 3

Дзе каша і аладкі, там будзе і грамадка.

Добры госць, ды ў сераду трапіўся.

У вялікім посце не хадзі ў госці, бо нечым частаваць.

І любаму гасцю пятніца бывае.

Быў кус, ды гасця не было, прыйшоў госць - куса няма.

Дарагія госцікі, ды нечым прымаць.

Рад гасцям, ды хлеба ні на гам.

І госць міл, і хлеба жаль.

Трэба гасцей паклікаць, дык трэба ім і пасыпаць.

Прыказкі пра гасціннасць 2

Госця вясною частуюць мядком, а ўвосень – малачком.
Добры той госць, які гасцюе нядоўга.
У гасцях добра, а дома лепей.

Добраму госцю вароты самі расчыняюцца. 

Прыглядай гасцей, каб хадзілі часцей.

Пара гасцям і меру ведаць.

Хлеб на стале, рукі свае, адрэж ды еш.

Прымі падарожнага - сам будзеш у дарозе.

Прыказкі пра гасціннасць

Госць першы дзень – золата, другі – серабро, а трэці – медзь, хоць і дадому едзь.
Госць гаспадару не ўказчык.
Па абедзе госць едзе.
Добры той госць, які гасцюе нядоўга.
У гасцях еш хоць расперажыся, але ў кішэню не хавай.
У гасцінах за яду астатні прымайся, а першы пераставай.
Прысядзь: госцем будзеш.
Сядзь у нас – госцем будзеш.
Чым багаты, тым і рады.