Пацеха з меха.
Па латках пазнаць скупога, а па смеху — дурнога.
Досыць кпіць — вусы паломіш.
Без смеху якая пацеха.
Смех без прычыны - прызнак дурачыны.
Не смейся, брудзе, табе горш будзе.
Не смейся з людзей, ты сам смяшней.
Не смейся, квас: не лепшы за нас.
Жартаваць можна, але не калечыць бязбожна.
Пасмейся з няўмекі, ды не чыні здзекі.
Можна кпіць, але не калечыць.
Кеп, дурань, блазен — тры штукі разам.
Хто з каго смяецца, таму рот па вушы раздзярэцца.
З добрага смеху добрая й пацеха.
Разумныя жарты пахвалы варты.
Лепей жартаваць, чымся гараваць.
