Прыказкі з лічэбнікамі. Адзін

Адна ластаўка вясны не робіць.

Адзін дуб у полі - то не лес.

Лепей адзін прыяцель, як дзесяць ворагаў.

Адна пчала многа мёду не наносіць.

Адной рукой і вузла не завяжаш.

Адна галаўня не гарыць і не гасне.

І птушцы адной нудна.

Адным махам дрэва не зваліш.

Адзін у полі не воін.

З адной кветкі вянка не спляцеш.

З аднаго яйца яешні не будзе.

Адной рукой дае, а дзвюма адбірае.

У адной бярлозе два мядзведзі не ўжывуцца.

Адна бяда не ходзіць, другую за сабой водзіць.

Не адзін сабака Лыска.

Адзін жыве, як хочацца, а другі, як прыйдзецца.